ආදර ප්රදී - ආයෙමත් අලුතින්
රැළි තැබූ සුදු ගවුම් ඇදපු ගැහැණු ළමුන් ගේ රැළි වැටුණු මුහුණු, සුදු ගවුම් පටිය වටේට ඒතුන හීනි ඉනවල් වටා වැටුනු ටයර් වාටි සමඟින් වුවත් තවමත් ඔවුන් ඒකිනෙකා හඳුනා ගන්නට රැළි ගැහුන මූනු වල ශේෂව තිබූ නොවෙනස් සිනා වලට හැකිවිය.
ගෙවී ගිය කාලය කොතරම් දැයි දැනෙන්නට , තමන්ගේ සමකාලීනයන් හමුවන මෙවැනි මොහොතවල් මිසක වෙනත් අගනා වේලාවක් නොමැත්තේ හැමදෑමත් දකිනා උන්ට තමාත් , හැමදෑම දකිනා තමාත් කිසි විටක වෙනසක් නොපෙන්වන බැවින් වන්නට ඇත. නමුත් වසර ගණනාවක් එක දිගට ආශ්රය කරමින් දිනපතා හමුවෙමින් සිට තවත් වසර ගණනාවකට වෙන් වී ගොසින් ආරංචියක් පවා නැතිව ගොසින් නැවත හමුවන මෙවැනි මිතුරන් , තමන් කෙතරම් කාලයකින් කෙතරම් සීඝ්රයකින් වයසට ගොස් වෙනස්වී ඇතිදැයි පෙන්වන කැඩපත් වැනිය.
ඒවන් දවසක පන්තිකාමර පිරී ඉතිරී ගියේ වැඩිමහළු ගතත් බොළඳ මතක ඉතිරූ හිතත් උස්සන් නැවතත් පාසල් ආ කොල්ලන් සහ කෙල්ලන් ගෙනි. ඒ අතරින් ඇතමුන් තරුණ කාලයේ මතකය පමණක් ඉතිරි කරමින් ඒ වන විට ද ලෝකය හැරදා ගොස් තිබුණ අතර තවත් ඇතමෙක් නොසිතූ තරමට තරුණ සුන්බුන් තාමත් දරන්නට පිං කර තිබූ අය වූහ.
පන්ති කාමරය අතර තම සිත අතරමන් කරමින් හිතේ නුපුරුදු සුවඳ ගැල්වූ කෙල්ලන් , හීත කීරි ගැස්සූ කොල්ලන් තමන්ගේ පවුලේ දරුවන් කරනා කියනා දේ යහළුවන් සමඟින් බෙදා ගත්තේ , අහිමිව ගිය සමහර අයවලුන් අහිමි වූ රසය , නව රසයන් සමඟින් මිශ්ර කරමිනි.
කෙල්ලන්ට , තම සිතැති ආදරය නොපැවසූ එක් වයසක කොල්ලෙකු ඇයට ඒ බැව් කියන්නට මේ හමුව යොදා ගන්නා විට ඔහු රටේ නම ගිය කතුවරයෙකුව දුවා දරුවන් ලබා වයසට යමින් සිටි අතර සිත්ගත් කෙල්ල " මාත් ඔයාට ඒ කාලේ කැමැත්තෙන් හිටියේ " කියන විට උස් මහත් වූ දරුවන් තිදෙනකුගේ මවක්ව සිටියා ය.
මේ සියළු කතා අතරේ ඇයත් සිටියා නම් හොඳ නොවේදැයි මීෂා සිතූවත් ඇය තම තරුණ වයසේ මතකය පමණක් ඉතිරි කර , වරද ඔහුගේ සිත මත බරට පටවා නික්ම ගොස් තිබුණි. තමාත් ඇයත් මේ ලියනා මමත් ඇගේ මිතුරියන් කිහිපදෙනෙකුත් දන්නා ඒ ආදර කතාව තරුණ වියේ දීම නිමා වීම එක්තරා ආකාරයකට හොඳ වූත් තවත් ආකාරයකට ඉතාමත් දුක්බර වූත් එකක් බැව් ඔබ මා කීවාටම පිළිනොගෙන මේ බ්ලොග් එක මත ඇති ලින්කු දිගේ ගමන් කරමින් සොයා ගන්නාවට මම ඉතා කැමැත්තෙමි.
එතකුදු නිමා කළ මේ කතාව යළිත් ඇද ගෙන ලියන්නේ මිය ගිය ප්රේමවන්තියකගේ මතකය පමණක් නොව ඇගේ දිවිනසා ගැනීමට එකම හේතුව බවට ද පත් වූ ඔහුගේ සිත රැඳි දුක නිසාම හමුවූ මා ද ෙමේ වන විට ඔහුගේ ජීවන කතාවේ සැලකිය යුතු තැනක් හිමිකර ෙගෙන සිටින නිසාවෙනි.
ප්රදී ..................ඇය ඇත්තටම මිය ගියා ද.........................? ඉතිරිය ඊළඟ ෙකොටසින්
